في الدرس الثامن عشر يركز جورج على موضوع الجماليات في العزف من خلال الإضافات التي يمكن أن يضيفها العازف و التنوعات التي تغير الإحساس و النكهة و التي تجعل العزف ممتع أكثر و غني أكثر.
جورح النجار:
"اهلا بكم ي اعزف دوت كوم انا جورج النجار و هذا الدرس رقم ثمنطعش من البوب جيتار.
و اشتغلنا ب hotel California و خلصناه و الحقيقه انه احنا ما بدينا لسا , و بدي استغل هالدرس و نمسك اشي مشهور زي اغنيه Hotel California اغنيه الكل بحبها و الكل بحب انه يتقنها , و بدي احكي عن قضايا بشكل عام الها علاقه بالعزف و بالموسيقىو اشياء انا واجهتها لما كنت عم بتعلم و اشياء انه كل عازف جيتار مر بأمور زي هيك , طيب , في بعض الاغاني اللي عزفناهم خطر على بالي اغنيه Wish you are here حكينا عن موضوع انه في مقدمه ( يعزف الاستاذ جورج التمرين ) و بعدين احنا بدنا نتعلمها.
و في ب careless whispers موضوع السولو ( يعزف الاستاذ جورج التمرين ) او اشياء حلوه زي ( يعزف الاستاذ جورج التمرين ) لاحظوا انه احنا قاعدين بنضيف شوي شوي , لكن الي احنا قاعدين بنساويه خارج نطاق السرومينج اللي اخذناه , يعني بما معناه انه انا هسا قاعد بضرب و ببني كوردات و يالا يالا جايه معه و بدك اياني اعمل هيك ( يعزف الاستاذ جورج التمرين ) الكل بيحكي هيك.
او بدنا هون نذكر لكميه اكبر من الناس اللي بتحكي انه لا انا بدي اتعلم الجيتار و ما بدي اطلع محترف ! لا مش مزبوط انت بدك تتعلم و بدك تطلع محترف او محترفه بس بكون الواحد حاسس انه مش رح يطل من امره , حابب احكيلكم انه انا اول فتره من تعليمي كنت افكر نفس الاشي , يعني انا بدي احكيلكم انه اذا انا بقدر اعزف ع الجيتار فأي واحد بقدر يعزف على الجيتار لانه اكيد كان في صعوبات , لانه الصعوبات بتكون انه الواحد دايما انا بدي و بدي هسا في الموسيقى , ما في اشي اسمه انا بدي هلا بالموسيقى , بدك تتمرن و تقدر امكاناتك , اكيد انتوا وصلتوا لهون بتعزفوا اغاني و بجوز حتى بتعزفوا اشياء اخرى احنا في عصر الانترنت , لكن احنا ماشيين بنضام معيين و الموضوع شوي خارج عن نطاق التقني انه انا كيف بعزف لانه الواحد بقول انه كيف انا بدي اعزف ؟ هيك بلشت تعزف و بتبلش تطلع بمليون سؤال , طيب هذا انا مش فاهمه و هذا انا مش فاهمه طيب , او في hotel California في بالبدايه بيعملوا اشي , خلين نشوف شو بيعملوا ( يعزف الاستاذ جورج التمرين ) صح ؟! ( يعزف الاستاذ جورج التمرين ) الى اخره الى اخره , بس هذا مش ستريمينج , فنرجع للدرس الاول انه ثلاث اساليب للعزف على الجيتار ستريمينج , فينجيرينج وبيكينج ,حسب الاصابع فينجرينج , و هذا فينجرينج واضح , لكن في قضيه ثانيه بدنا نحكيه جبنا سيرتها في careless whispers بامكانك تبدى بس ( يعزف الاستاذ جورج التمرين ) و بعد ما تغني المقطع الاول ( يعزف الاستاذ جورج التمرين ).
هسا صوت الكوردات صار حلو لانه خشينا هسا مع الحركه , طيب شو رأيكوا في اشي اسلوب عكسي انه يكون في حركه بعدين احنا بنموت هاي الحركه شوي طبعا برضو بطلع حلو , طيب شو السر احنا بنعمل هيك و الا بنعمل هيك ؟ احنا بنعمل الاثنين بنتنوع في الموسيقى , الفن كله قضيه تنويع تفاصيل , و أي فنان بده يتقدم لازم يبلش يكون عنده , طبعا في البدايه الواحد ممكن ما يكون بشوف هاي الاشياء طبعا مع الزمن بصير يشوفها , كيف يعني hotel California عباره عن مثال حلوللموضوع هذا انه كيف نفس المقاطع بس يا الجماعه قدروتا ينوعوا الاسلوب و هذا اشي جذاب , طيب نعزف المقطع الاول ( يعزف الاستاذ جورج التمرين ) و بنفوت في ( يعزف الاستاذ جورج التمرين ) و بنكمل الايقاع ( يعزف الاستاذ جورج التمرين ).
بنفوت للمقطع الاول للمره الثانيه وبعدين في المقطع الثاني كمان مره ( يعزف الاستاذ جورج التمرين ) باختصار هي المقطع الثاني ثاني مره يعني هي الاول و الثاني بعدين الاول كمان مره و اثاني كمان مره فشو بتصير ( يعزف الاستاذ جورج التمرين ) صح ؟1 و بنكمل ( يعزف الاستاذ جورج التمرين ) ومستقبلا رح نمسك الموضوع هذا , انت فيك هسا احنا ما مسكنا الفينجرينج انه انت تحكي ( يعزف الاستاذ جورج التمرين ) رح تكون صعبه هسا , مش موضوعنا هسا , لكن فيك تحكي ( يعزف الاستاذ جورج التمرين )مش صعب هي تنويع كمان مره , و فينا نعمل حركه صغيره هون ( يعزف الاستاذ جورج التمرين ) اربع ضربات ( يعزف الاستاذ جورج التمرين ) بس اربع ضرباتيعني بسيطه و فعاله , ورح تشوف انه الحركه هاي البسيطه رح تخلي الموضوع كثير اجمل و قريب يعني اذا كنت تعزف للجمهور رح يكون اقرب للاشي اللي كانوا متعودين يسمعوه.
اشوفكم في الدرس الجاي .
